સૌપ્રથમ રાજમા ને ધોઈ ૮-૧૦ કલાક પાણીમાં પલાળી રાખો. ત્યારબાદ કૂકરમાં બાફી લો. બફાઈ જાય એટલે તેમાં થી પાણી નિતારી લો.

સ્ટફિંગ માટે:- એક કઢાઈમાં ઓલિવ ઓઈલ ગરમ કરો. તેમાં ઝીણી સમારેલી ડુંગળી અને આદુ લસણની પેસ્ટ ઉમેરીને સાંતળો. ત્યારબાદ સમારેલું કેપ્સીકમ ઉમેરીને સાંતળો. બાફેલા અમેરીકન મકાઈના દાણા અને રાજમા ઉમેરો. સ્વાદ પ્રમાણે મીઠું, લાલ મરચું પાઉડર, કાળા મરી પાવડર, ચીલી ફ્લેક્સ, ઓરેગાનો અને ટોમેટો કેચઅપ ઉમેરીને બરાબર મિક્સ કરો. ૧-૨ મિનિટ સુધી થવા દઈ સમારેલી કોથમીર ઉમેરીને મિક્સ કરીને ગેસ બંધ કરવો. સ્ટફિંગ તૈયાર છે.

હવે એક ટોર્ટીલા લઈ તેની એક બાજુ થોડું સ્ટફિંગ મૂકી ઉપર થોડી છીણેલી ચીઝ પાથરો અને તેનો રોલ વાળી દો. આ રીતે બધા જ ટોર્ટીલા રોલ્સ તૈયાર કરો.

બેંકીંગ ડીશ માં તળિયે થોડો સોસ પાથરો. તેની ઉપર તૈયાર કરેલા ટોર્ટીલા રોલ્સ એક બીજા સાથે મૂકો. તેની ઉપર ફરીથી સોસ પાથરો (વધારે પ્રમાણમાં). હવે તેની ઉપર છીણેલી ચીઝ પાથરો. ઉપરથી ચીલી ફ્લેક્સ અને ઓરેગાનો ભભરાવો. કેપ્સિકમ ની સ્લાઈસ થી સજાવી પ્રીહીટ કરેલા ઓવનમા ૧૮૦°સે પર ૧૫-૨૦ મિનિટ સુધી બેક કરો. તૈયાર છે ખૂબ જ સ્વાદિષ્ટ મેક્સિકન બીન એનચિલાડાઝ.