એક તપેલીમાં બે ગ્લાસ પાણી નાખીને મીઠું અને હળદર નાખીને ઉકળવા મુકો અને અડધો કપ ચોખા અને અડધો કપ મગની દાળ ભેગી કરી ધોઈ ને ઉકળતા પાણીમાં ઉમેરો હવે ઢાંકણ ઢાંકી ધીરે તાપે ચઢવા દો.ખીચડી‌તૈયાર થયે ધીનો વઘાર કરી તેમાં રાઈ અને જીરું નાખી ને બરાબર મિક્ષ કરી લો તૈયાર છે ખીચડી..

એક કથરોટમાં માં બાજરી નો લોટ લઈ ને સ્વાદ અનુસાર મીઠું નાખીને તેમાં લીલાં મરચાં ને સમારી નાખી ને કોથમીર સમારેલી નાખીને લોટ પલાળવો બરાબર મસળી લો હવે માટીની તાવડી માં રોટલા થાપી ને બનાવો ફુલે એટલે ઉતારી ઘી લગાડી લેવું

રીંગણ અને બટાકા ને ધોઈ ને કાપા પાડી લો હવે એક બાઉલમાં સીંગદાણા નો‌ ભુકકો, લસણ વાટેલું મરચું, હળદર અને ધાણાજીરું પાવડર નાખી ને મીઠું અને ખાંડ, લીંબુનો રસ નાખી અર્ધી ચમચી તેલ નાખી ને બરાબર મિક્ષ કરી લો સમારેલી કોથમીર ભભરાવીને ને બધાં રીંગણ અને બટાકા ભરી લો હવે એક કુકરમાં તેલ ગરમ મૂકી રાઈ અને જીરું નો વઘાર કરી તેમાં ભરેલા રીંગણ અને બટાકા નાખી ને બરાબર હલાવી ને એક અડધો ગ્લાસ પાણી નાખીને ત્રણ સીટી પાડી લો.. કુકર ઠરે એટલે ઉતારી બાઉલમાં કાઢી લો

એક તપેલીમાં એક વાટકી ચણાનો લોટ નાખી ને એક વાટકી દહીં નાખી ને બરાબર મિક્ષ કરી લો હવે ગેસ ચાલુ કરી તપેલી ગેસ પર મૂકો.. તેમાં મીઠું હળદર નાખીને ઉકળવા દો હવે ગોળ નાખો.. એક વાટકી માં એક ચમચી ઘી ગરમ મૂકી તેમાં રાઈ જીરું અને મેથી ત્રણ થી ચાર દાણા નાખવા અને હિંગ નાખી ને લીલાં મરચાં ની પેસ્ટ ઉમેરવી અને લીમડાના પાન નાખીને વઘાર કરી લો.. ઉકળે એટલે ઉતારી લો.. કઢી ‌‌‌તૈયાર છે