पारी...मैदा घेऊन त्यात २ चमचे तेल व मीठ घालुन छान चोळुन घेतले.पाणी घालुन मळुन गोळा १०मिनिटे झाकुन ठेवला.नंतर चांगले मळून त्याचे तीन सारखे भाग केले व दोन भागांत आवडीनुसार रंग घालुन मळून घेतले.प्रत्येक गोळ्याची मोठी पोळी लाटून घेतली.तिन्ही पोळ्या एकावर एक ठेऊन घट्ट असा रोल तयार करून घेऊन सुरीने कापुन लाट्या तयार केल्या.

सारण..... पातेल्यात तेल घालून गरम झाल्यावर जिरे घातले ते चांगले फ़ुलल्यावर तयार केलेली मिरची,आलेलसून,बडीशेफ, जिरे पेस्ट घालून होऊ दिले.मिक्सरमध्ये जाडसर वाटलेले वाटाणे घालून परतुन घेऊन त्यात सर्व मसाले घालून छान परतवून घेतले.नंतर त्यात किसलेले पनीर घालून मिश्रण एकसारखे करून घेतले नि मंद गॅसवर होऊ दिले.मसाला चांगला शिजल्यावर त्यात कोथिंबीर घालुन एक वाफ काढून घेऊन गॅस बंद करून थोडे थंड होऊ दिले.

तयार केलेली लाटी घेऊन पोळपाटावर पाहिजे त्या आकाराची पाती लाटून घेऊन त्यात सारण भरले नि अर्धी पाती दुमडून व्यवस्थित दाबुन वरून पोर्कनी डिझाइन करून घेतले.सर्व करंज्या अशाच प्रकारे करून.गॅसवर कढई मध्ये तेल गरम करून मंद गॅसवर हलकेच तळून घेतले.अशा तऱ्हेने सर्व तळून घेतल्या.

चटणी...दही छान एकसारखे घुसळुन घेऊन त्यात साखर,मीठ,हिंग, घातले.तडका पॅन मध्ये १टेबलस्पून तेल गरम करून त्यात जिरेमोहरी होऊ दिली व हिरवी मिरची,कढीपत्ता, पुदिना, हळद घालून ती फोडणी दहयावर घातली.वरून कोथिंबीर घातली.३,४मिरच्या तळुन घेतल्या.सोबत हिरवी चटणी व सॉस ही आहे.अश्या तऱ्हेने सर्व तयार करून घेऊन सजावट केली.जसे दिसायला सुंदर दिसत आहे त्याच प्रमाणे चव ही खुपच छान आहे.बघा आपणांस कशी वाटते....😊😊