सर्व डाळी स्वच्छ धुवून 1/2 तास भिजत ठेवा. वनंतर यात हिंग हळद घालून शिजवून घ्या.

डाळ शिजते तोपर्यंत कांदा टोमॅटो बारीक चिरून घ्या. लसूण पाकळ्या बारीक चिरून घ्या. आवडत असल्यास लिंबू फोडी करून घ्या. कोथिंबीर बारीक चिरून घ्या. एका भांड्यात कणिक घ्या, यात थोडी कोथिंबीर घालून घ्या. यात अगदी थोडे मीठ, हळद, लाल तिखट, ओवा जिरे व तेल घालून पोळी साठी मळतो तसे कणिक मळून घ्या. वरून तेलाचा हात लावून घ्या.

डाळ शिजली असेल, तिला चमच्याने घोटून घ्या. एका भांड्यात तेल घालून गरम करून त घ्या. यात हिंग मोहरी जिरे यांची फोडणी करून घ्या. छान फोडणी तडतडली की यात लसूण घाला, सोबत भिजवलेली उडीद डाळ घालावी. लसूण सोनेरी झाला की कांदा परतून घ्या. कांड्यासोबत शेंग दाणे, वाटणे देखील घालून परतावे.

कांदा नरम झाला की यात लाल तिखट, मीठ, गूळ, हळद, मसाला घालून घ्या, यात टोमॅटो बारीक चिरून घाला व एकजीव परतून घ्या. टोमॅटो नरम झाले की शिजलेली डाळ घालावी.

आवश्यकतेनुसार पाणी घालून वरण थोडे पातळ करुन घ्या. वरण उकळते तोवर कणकेचा गोळा करून त्याची पोळी लाटून घ्या. या पोळीचे चौकोनी तुकडे करून घ्या, जसे शंकरपाळी करतो. हे तुकडे एक एक करून वरणात सोडावे.

सर्व धोकली सोडली की पुन्हा चार पाच मिनिटे शिजू द्या. छान उकळी आली की वरून कोथिंबीर घालून घ्या. गॅस बंद करा.

लिंबाच्या फोडी सोबत गरम गरम डाळ धोकळी सर्व्ह करा.