एका भांडयांत बटाटी घेऊन त्याची साले काढुन घेणे व ती बटाटी हाताने फोडुन फोडुन बारीक करुन घेणे बटाटी एकमद मऊ करुन घेणे. नंतर त्या मध्ये काँफ्लॉवर व थोडी हळद आणि मीठ घालुन ते एकत्र मळून घेणे.

नंतर एक पॅन घेऊन त्या मध्ये तेल घालुन त्या मध्ये आल लसुण पेस्ट घालुन घेणे व त्या मध्ये कापलेला कांदा घालुन वरुन आपण वाटुन घेतलेले कोंथिंबीरचे वाटण घालुन ते एकत्र करुन घेणे नंतर त्या मध्ये हळद व मीठ आणि कोलंबी घालुन ते एकत्र करुन घेणे.

नंतर आपण तयार केलेले बटाटयाचे मिश्रण घेऊन एक एक गोळा घेऊन त्याचा वाटी सारखा आकार करुन त्या मध्ये ती कोलंबीची भाजी भरुन घेणे व ते वरुन बंद करुन घेणे.

एक एक करुन गोळे बनवुन घेणे व एका भांडयात अंडी फोडुन घेणे व थोडे मीठ घालुन ते एकत्र करुन घेणे आणि एक ताट घेऊन त्या मध्ये रवा काढुन घेणे.

एक तवा घेऊन त्या मध्ये तेल घालुन ते गरम करत ठेवणे व आपण बनवलेले एक एक गोळे घेऊन ते अंडया मध्ये बुडवुन घेणे पहीला मग रवा लावुन घेणे व ते तव्यावर एक एक ठेवुन शॅलो फ्राय करुन घेणे अशा प्रकारे तयार होईल आपले कोलंबीचे पॅटीस