प्रथम ओल्या नारळाचे खोबरे किसून मिक्सर मध्ये बारीक करून घ्या.त्यानंतर कढईमध्ये खोबरं आणि दोन टेबलस्पून तूप ॲड करून पाच मिनिट परतून घेणे.आता यामध्ये एक वाटी गुळ आणि वेलची पावडर ॲड करून घेणे सर्व छान मिक्स करून घेणे.आणि आता यामध्ये दूध मसाला पावडर घालून सर्व सारण एकजीव होऊ पर्यंत हलवून घेणे.आपले सारण तयार.

आता एका पातेल्यामध्ये एक वाटी पाणी घेऊन त्यामध्ये चवीनुसार मीठ आणि दोन टेबलस्पून तूप घालुन उकळी आणणे.आता या उकळलेल्या पाण्यामध्ये हळूहळू तांदळाचे पीठ ॲड करणे आणि एक सारखे हे मिश्रण हलवणे मिश्रण थोडे घट्टसर झाले की गॅस बंद करणे आणि झाकण ठेवून ५-८ मिनिटे मिश्रण तसेच ठेवणे मोदकाची उकड तयार

आता ५ मिनिटानंतर उकड छान मळून घेणे. आणि त्याचे तीन समान भाग करणे त्यातील दोन भागांमध्ये प्रत्येकी हिरवा आणि केशरी रंग ऍड करून छान मळून घेणे.आता तिन्ही रंगाचे छोटे-छोटे आकाराचे गोळे करून घेणे आणि खाली फोटो मध्ये दाखविल्याप्रमाणे मोदकाच्या मोल्ड वरती एक एक रंगाचे गोळे प्रेस करून घेणे.

आता खाली फोटो मध्ये दाखविल्याप्रमाणे मोल्ड बंद करून घेणे आणि त्यामध्ये सारण आणि खजूर भरणे अशाप्रकारे मोदक तयार.अशा प्रकारे सर्व मोदक तयार करून घेणे.

आता तयार केलेले मोदक उकडण्यासाठी गॅसवर कढईत ठेवून त्यामध्ये पाणी ॲड करणे पाण्याला उकळी आल्यावर एका चाळणी मध्ये एक सुती कापड ठेवून त्याच्या वरती तयार केलेले सर्व मोदक ठेवणे आणि छान दहा मिनिटे वाफवून घेणे.

आता हे वाफवलेले मोदक गरम-गरम वरून तूप टाकून छान सर्व्ह करणे.