सगळ्या भाज्या स्वच्छ धुवून पुसून कापून घ्याव्यात

ड्रायफ्रुट्स व मसाले, पनीर या जिन्नस पण तयार करून ठेवावे.. अर्धा वाटी कोमट दुधामध्ये केशर धागे घालावे म्हणजे ते रंग सोडतात..

एका कढईत तांदूळ धुवून शिजत ठेवावे.. किंवा अर्धा तास तांदूळ भिजवून नंतर शिजवावे..भात शिजल्यावर चाळणीवर ओतून घ्यावा म्हणजे पाणी निथळून जाईल..

कढईत दोन टेबलस्पून तूप घालून सगळे ड्रायफ्रुट्स एक एक करून तळून घ्यावेत.. नंतर भाज्याही चांगल्या तळून घ्याव्यात.. काही भाज्या मंद गॅसवर शिजू द्याव्या..

कढईत उरलेल्या तुपामध्ये जिरं घालून ते फुलले की लसुण तुकडे तळून घ्यावेत व एक टीस्पून आलेलसुण पेस्ट घालून परतावे.. नंतर शिजवलेला भात घालावा.. मीठ व काळीमिरी पावडर टाकून चांगले मिक्स करावे आणि तळलेल्या भाज्या,ड्रायफ्रुट्स घालून सगळे चांगले मिक्स करावे...

केशर चे दुध घालावे व अर्धा लिंबू रस घालून मिक्स करून झाकण ठेवून बारीक गॅसवर दोन मिनिटे ठेवावे..

बस..आपला नवरत्न शाही पुलाव तय्यार खाण्यासाठी... प्लेटमध्ये काढून रायता, लिंबू,पापड सोबत सर्व्ह करावे.. किंवा नुसताही खुप छान लागतो...सोबत कशाचीही गरज लागत नाही,एवढी मस्त टेस्ट लागते..