#fr #फराळी_भेळ
ओम् नमः शिवाय 🙏
प्रत्येक महिन्यातील वद्य चतुर्दशीला "शिवरात्री" असे संबोधले जाते. पण माघ महिन्यातील वद्य चतुर्दशीला "महाशिवरात्री" असे म्हटले जाते. महाशिवरात्री हा दिवस भगवान शंकरांच्या पूजेचा दिवस असतो. त्यदिवसाची एक आख्यायिका आहे ती अशी की याचदिवशी नकळतपणे एका व्याधाचा म्हणजेच शिकार्याचा उद्धार झाला होता अशी कथा लिंग पुराणात सांगितली जाते ती अशी.. एकदा एक शिकारी जंगलात शिकारीला गेला होता. शिकारीची वाट बघत रात्र होते म्हणून तो नदीच्या काठावरील एका बेलपत्राच्या झाडावर चढून बसतो रात्रीच्या अंधारात फांदीवरील बेलाची पाने तोडून नकळतपणे शिवपिंडीवर टाकत होता‌ आणि तो "ओम" म्हणत होता. त्याचवेळी तिथे एक गर्भिणी हरीण पाणी पिण्यासाठी नदीच्या काठावर येते. आणि शिकारी तिला मारण्यासाठी बाण उगारणार एवढ्यात हरिणीचे लक्ष शिकार्याकडे जाते. ती गाभण असल्याने शिकार्याला विनंती करते की माझ्या प्रसुतीनंतर तू माझे प्राण घेतलेस तरी चालेल. हे बोल ऐकून शिकार्याला उपरती होते आणि ओम नमः शिवाय म्हणत तो झाडावरुन उतरुन हरिणीची माफी मागतो. हे सगळं बघून शंकर भगवान प्रकट होतात आणि व्याध म्हणजेच शिकारी भगवान चरणी नतमस्तक होऊन क्षमा मागतो आणि यापुढे कोणाचीही शिकार या हातून होणार नाही अशी शपथ घेतो. भगवान प्रसन्न होऊन व्याधाला तारामंडळात स्थान देतात‌ तो दिवस असतो महाशिवरात्रीचा 🙏
म्हणूनच या दिवशी बरेच जणं उपवास करुन फक्त फलाहार फराळ करतात, तर काही जणं मांसाहार न करता शिवराक जेवण ग्रहण करतात. यात कांदा आणि लसूण प्रामुख्याने वर्ज्य असतात.
आमचे कुलदैवत श्री मंगेश देव असल्याने आमच्या कडे पण आम्ही सगळे उपवास करतो. यादिवशी मी उपासाची "फराळी भेळ" बनवली होती ती रेसिपी देत आहे.