#immunity
चारू किंवा रस्सम हा पदार्थ दाक्षिणात्य खाद्यसंस्कृतीतील लोकप्रिय पदार्थ असून, गेल्या अनेक शतकांपासून हा पदार्थ दक्षिणेकडील प्रांतांमध्ये घरोघरी अगदी दररोज बनत आला आहे. ‘रस्सम’ या शब्दाचा अर्थ रस असा असून, या चमचमीत पदार्थाचे सेवन कधी भातासोबत, तर कधी सूपप्रमाणे पिऊन केले जात असते. हा पदार्थ अतिशय पौष्टिक असून, पचण्यासही हलका असल्याने याचा उल्लेख अलीकडच्या काळामध्ये ‘सुपरफूड’ असा करण्यात आला आहे. चिंचेचा कोळ, टोमॅटो घालून उकळलेले पाणी, हे रस्सम मधील महत्वाचे घटक असून,लसूण, आलं,धणे, काळे मिरे, हळद, कढीपत्ता इत्यादी मसाल्याचे पदार्थ रस्समला आणखी चवदार बनवितात.
भारतामध्ये 220 प्रकारचे रस्सम चे प्रकार पहायला मिळतात...
रस्सम बनविताना वापरले जाणारे सर्व पदार्थ आरोग्याच्या दृष्टीने अतिशय पोषक आहेत. यामध्ये वापरल्या जाणाऱ्या चिंचेच्या कोळामध्ये फायबर मुबलक मात्रेमध्ये आहे. त्यामुळे बद्धकोष्ठाची समस्या दूर होत असून, यामध्ये असलेल्या अँटी ऑक्सिडंट्स मुळे त्वचा नितळ आणि तरुण दिसते. रस्सम मध्ये वापरण्यात येणाऱ्या टोमॅटोसारख्या पदार्थांमध्ये थियामीन, क जीवनसत्व, फोलिक ऍसिड, आणि अनेक क्षार असून, या सर्व पदार्थांमुळे शरीराची रोगप्रतिकारशक्ती उत्तम राहण्यास मदत होते. रस्समच्या मसाल्यामध्ये वापरण्यात येणारे काळे मिरे, धणे इत्यादी पदार्थ पचनशक्ती सुधारणारे असून, वजन घटविण्यासाठी सहायक आहेत.
माझी स्वतःची गेल्यावर्षी जेव्हा कोविड वॉर्डला पोस्टिंग होती, तेव्हा माझी आणि माझ्या परिवाराची इम्युनिटी वाढवण्यासाठी खूप सारे पदार्थ करायची, त्यातलाच हा एक सोपा आणि पटकन होणारा पदार्थ...!! जो कोणीही आरामात करू शकतो, त्या साठी खूप सारे तामजाम पण करावे नाही लागत...😊