प्रथम 150 ग्रॅम चणे (कडधान्य) स्वच्छ पाण्याने धुऊन घेतले. व त्यात दोन कप पाणी घालून रात्री भिजत घालून ठेवले. व दुसऱ्या दिवशी सकाळी कूकर मध्ये 4 शिट्टया काढून शिजवून घेतले.

मग एका कढईत 5 चमचे तेल घालून, ते गरम झाल्यावर त्यात एक चमचा राई घातली. राई तडतडल्यावर त्यात एक चमचा आले व लसूण पेस्ट घालून थोडे परतून घेतले.

नंतर वरील मिश्रणात दोन कांदे बारीक चिरून घातले व चांगले परतून घेतले. मग त्यात एक चमचा कांदा लसूण मसाला, व एक चमचा लाल मिरची पावडर व चवीप्रमाणे मीठ घालून त्यात, शिजवून घेतलेले चणे घालून चांगले परतून त्यात दोन कप पाणी घालून उकळून घेतले.

मग एका कढईत 4-5 चमचे तेल घालून ते चांगले गरम झाल्यावर त्यात एक चमचा जीरे व एक चमचा राई चांगले तडतडल्यावर त्यात 10-12 कडीपत्ता पाने, 4-5 हिरव्या मिरच्या बारीक चिरून, 4 बारीक चिरून घेतलेले कांदे व अर्धा चमचा हळद पावडर व चवीप्रमाणे मीठ घातले.

नंतर दोन मध्यम आकाराचे बटाटे स्वच्छ पाण्याने धुऊन बारीक चिरून घातले. व त्यावर भिजवून घेतलेले पोहे घालून, थोडी कोथिंबीर घालून ते चांगले मिक्स करून वाफ आल्यावर गॅस बंद केला. व पोह्यांवर लिंबू पिळून घेतले.

मग एका प्लेट मध्ये पोहे घेतले, त्यावर
कोथिंबीर घालून, नागपुरची स्पेशल बनवलेली तर्री, बारीक चिरलेला कांदा, बारीक शेव व लिंबाची फोड ठेवून सर्व्ह करावे नागपूरचे स्पेशल तर्री पोहे. हे पोहे खूपच सुंदर लागतात.