आवश्यक सर्व साहित्य जमवून सर्व भाज्या स्वच्छ धुवून चिरुन घ्याव्यात. आले लसूण मिरची बारीक चिरुन घ्यावे.

कोबी गाजर एकत्र करून त्यात मैदा घालून त्यात मिरची आले, काळी मिरी पावडर, लसूण, मीठ घालून घट्ट मिश्रण करून गोळा तयार करावा. जास्ती मळू नये.

मिश्रणाचे छोटे गोळे करून गॅसवर तेल गरम करून त्यात तळून घ्यावे

ग्रेव्ही तयार करण्यासाठी गॅसवर पॅन मध्ये तेल घेऊन त्यात बारीक चिरलेला लसूण घालावा. लसूण लालसर झाला की त्यात आले घालावे. हलवून घ्यावे. मग कांदा आणि सिमला मिरची घालून ढवळून घ्यावे. त्यात सोया सॉस घालून पाणी घालावे. मीठ, कॉर्नफ्लोअर ची पेस्ट करून घालावी. सर्व हलवून घ्यावे.

एक उकळी काढल्यावर त्यात तळलेले बॉल्स टाकावेत. ढवळून परत एक उकळी काढावी. वरून कांदा पात घालावी.

व्हेज मंचुरियन तयार. फ्राईड राईस किंवा नूडल्स बरोबर सर्व्ह करावे