ब्राऊन राइस स्वच्छ धुवून एक तास भिजत ठेवला.चिकन पण स्वच्छ धुवून साफ करून आलं लसूण मिरची कोथिंबीर पेस्ट मीठ,हळद तिखट,बिर्याणी मसाला लावून तासभर मॅरीनेट करायला ठेवले.

कांदा टोमॅटो उभा चिरून घेतला.पॅन गरम झाल्यावर त्यात कांदा छान परतून घेतला.नंतर आलं लसूण मिरची,कोथिंबीर यांची पेस्ट घालून परतले.नंतर टोमॅटो,हळद, तिखट,बिर्याणी मसाला घालून एखादा मिनिट परतले.दोन तीन टेबलस्पून पाणी घातले.

नंतर त्यात मॅरीनेट केलेले चिकन घालून छान परतले.दही घातले.झाकण ठेऊन शिजवले.तीन चार मिनिटांनी त्यात गरम पाणी घालून उकळी आल्यावर त्यात भिजवलेला ब्राऊन राइस निथळुन घातला.मीठ घातले.झाकण ठेऊन मंद गॅसवर वीस पंचवीस मिनिटे शिजवले. साध्या राइस पेक्षा ब्राऊन राइस शिजायला थोडा वेळ लागतो.

साधारण पंचवीस मिनिटांनी राइस शिजलेला आहे.बिर्याणी सर्व्हिंग बाउल मध्ये काढून घेतली.