आदल्या दिवशी मटकी धुऊन भिजत घालून. मोड काढून घ्यावेत.

मोड आलेली मटकी शिजवून घ्यावी.

कांदा, टोमॅटो, कोथिंबीर बारीक चिरुन घ्यावे. लसूण सोलून ठेचून ठेवावा.

गॅसवर मध्यम आचेवर पॅन मध्ये तेल तापवून त्यात फोडणी चे साहित्य घालून तडतडल्यावर कांदा घालून परतुन घ्यावे.

कांदा परतुन झाल्यावर त्यात टोमॅटो, ओल्या खोबऱ्याचा कीस घालावा त्याला तेल सुटल्यावर त्यात मसाले घालावे चांगले हलवून त्यात शिजवून घेतलेली मटकी घालावी. वरून ठेचलेला लसूण घालून मीठ व हवे तितके पाणी घालून एक दणदणीत उकळी काढावी.

वरून कोथिंबीर व खोबरे घालावे. मटकीची भाजी तयार. भाता बरोबर किंवा पोळी बरोबर सर्व्ह करावी.