एक दिवस आधी कडधान्य भिजवून दुसऱ्या दिवशी त्याला बांधून ठेवून मोड काढून घ्यावेत. मोड आलेली कडधान्य मिक्सर मधून पाणी न घालता जाडसर वाटून घ्यावीटत.

मिरची, कोथिंबीर, आले, लसूण आणि कढीपत्ता मिक्सर मधून वाटून घ्यावे. वाटलेल्या कडधान्यात जिरें, धणे थोडे वाटून आणि मीठ, रवा व दही घालून मिक्स करून पंधरा ते वीस मिनिटे झाकून ठेवावे.

वीस मिनिटांनी कढधान्याच्या मिश्रणात थोडे पाणी घालून त्यात इनो घालून मिश्रण एकजीव करून घ्यावे.

गॅसवर मध्यम आचेवर आप्पे पात्र ठेवून तेल घालून तयार केलेले मिश्रण चमच्याने आप्पे पात्रात घालावे. वरून थोडे थोडे तेल सोडून झाकण ठेवावे. दोन्ही बाजूने गोल्डन ब्राऊन होई पर्यंत परतुन घ्यावे.

तयार झालेले आप्पे सॉस आणि चटणी बरोबर सर्व्ह करावे.