प्रथम तांदूळ स्वच्छ धुऊन एक तासभर पाण्यात किमान भिजत ठेवणे

कोळंबी स्वच्छ धुवुन आणि साफ करून तिला मॅरीनेट करणे. त्यासाठी कोलंबी मध्ये हळद गरम मसाला,लाल तिखट, आलं-लसूण पेस्ट, चिंचेची पेस्ट हे सर्व कोलंबी मध्ये व्यवस्थित मिक्स करून कोलंबीला अर्धा तास मॅरीनेट करणे.

बिर्याणी साठी लागणारा तांदूळ शिजवण्यासाठी टोपात पाणी गरम करणे व त्यामध्ये भातापुरतं मीठ मिक्स करणे. त्यामध्ये भिजवलेला तांदूळ ॲड करणे. आणि तांदळाला 80 ते 90 टक्क्यापर्यंत शिजवून घेणे.

बिर्याणी साठी लागणारी कोलंबीची ग्रेवी तयार करण्यासाठी कढईमध्ये तेल गरम करून घेणे. तेल गरम झालं की त्यामध्ये जिरं, खडा मसाला,कांदा आणि टोमॅटो चांगला परतून घेणे. नंतर त्यामध्ये मॅरीनेट केलेली कोलंबी ॲड करणे. बारीक चिरलेली कोथिंबीर मिक्स करणे. नारळाचे दूध आणि पाणी मिक्स करणे.मीठ घालणे.कोलंबीला झाकण लावून दहा मिनिटं मध्यम आचेवर शिजवून घेणे. कोलंबीची ग्रेवी शिजली की झाकण काढून पुन्हा तीन ते चार मिनिटे ग्रेव्हीला उकळू देणे आणि घट्टसर ग्रेव्ही तयार करून घेणे.

बिर्याणीच्या लेयर करण्यासाठी एका मोठा पातेल्यामध्ये तळाशी कोलंबी ची ग्रेवी घालून घेणे. त्यावर शिजवलेल्या भाताची लेयर देणे. भाताची लेयर देऊन झाली की वरून तळलेला कांदा,चिरलेली कोथिंबीर व पुदिन्याची पाने घालणे. खाण्याचा कलर,लिंबाचा रस तूप घालणे.व थोडासा बिर्याणी मसाला वरतून भुरभूररवने.

बिर्याणीला मंद आचेवर सात ते आठ मिनिटे झाकण लावून वाफवून घेणे. तयार गरम गरम बिर्याणी कांदा आणि लिंबू सोबत सर्व्ह करणे.