एका वाटी मध्ये मैदा, ओवा,चवीपुरते मीठ घेऊन, त्यात तेलाचे मोहन घालून, मैद्याला चोळून घेणे. पिठाची मूठ तयार झाली पाहिजे. थोडे-थोडे पाणी घालून पीठ मळून घेणे व वीस मिनिटे झाकून ठेवणे.

दुसऱ्या बाऊलमध्ये बटाटे सोलून कुस्करून घेणे. त्यात सर्व मसाले घालून घेणे. चिरलेला कांदा, कोथिंबीर, मीठ व काॅर्नफ्लावर घालून मिक्स करून घेणे.

लिंबाचा रस घालून मिश्रण चांगले एकजीव करुन घ्यावे. त्याचे छोटे- छोटे लांबट गोळे करून घेणे.

पीठ पुन्हा मळून घेणे व एक गोळा घेऊन त्याची पोळी लाटून घेणे.सुरीने 2-3 लांबट पट्टया कापून घेणे. एक पट्टी घेऊन त्यावर बटाटयाचा गोळा ठेवून त्यावर पट्टी गुंडाळून घेणे. मध्यभागी टूथपिक लावून घेणे. म्हणजे पट्टी निघणार नाही. अशाप्रकारे सर्व समोसा रोल करून घेणे.*तसेच त्रिकोणी पट्टी कट करून त्याचे ही रोल करता येतील. ङ

गॅसवर कढईत तेल गरम करत ठेवावे. तेल तापले की, गॅस मध्यम आचेवर ठेवून त्यात टूथपिकसहित समोसा रोल घालून गुलाबीसर तळून घेणे. सर्व समोसा रोल तळून घ्यावेत.