पोह्यांची मिक्सरमधून बारीक पावडर करून बटाट्याच्या सालं काढून, स्वच्छ धुऊन, बारीक फोडी करून घेणे. मिक्सरच्या भांड्यात बटाट्याच्या फोडी, हिरव्या मिरच्या, लसूण,आलं घालून, त्याची बारीक पेस्ट करून घेणे.

एका मोठ्या बाऊलमध्ये पोह्याचे पीठ, तिखट, हळद, ओवा, मीठ हे सर्व घालून, मिक्स करून घेणे. नंतर चिरलेली कोथिंबीर व बटाट्याची पेस्ट घालून मिक्स करून घेणे.

सर्व व्यवस्थित मिक्स करून झाल्यानंतर, थोडेसे तेल घालून पीठ घट्ट मळून घेणे. (पाणी लागत नाही) पीठ अर्धा तास झाकून ठेवणे.

अर्धा तासानंतर पीठ व्यवस्थित मळून घेऊन त्याचे गोळे करून घेणे. एक गोळा घेऊन त्याची मध्यम जाडसर पोळी लाटून घेणे. गोलाकार हवी असेल डब्याच्या झाकणाने गोल कापून घेणे. तवा तापत ठेवून,त्यावर थोडेसे तेल घालावे. वाटलेले थालीपीठ त्यावर घालावे.

एक बाजू भाजली की दुसऱ्या बाजूने उलटून,तेल लावून भाजावे.अशाप्रकारे सर्व थालीपीठ करून घेणे.
लोणचे, चटणी किंवा टोमॅटो सॉस बरोबर हे खाऊ शकतात.