सर्वात प्रथम रवा दह्यात भिजत घालून ठेवावा. बटाटे व गाजरचे साल काढून खिसून घ्यावेत. सिमला मिरची चिरून घ्यावी. पालकची पाने धुऊन घ्यावीत.

पॅनमध्ये मिरची,आले, चिमूटभर मीठ घालून परतावीत व एक वाफ आणावी. त्यानंतर थंड झाल्यावर मिक्सरला खिसलेल्या बटाट्यासहित पेस्ट करून घ्यावी.

दहिमिश्रित भिजलेल्या रव्यामध्ये तयार पेस्ट मिक्स करावी. बेकिंग सोडा, खायचा सोडा, गरम मसाला, चवीनुसार मीठ घालावे. तयार मिश्रण कुकरच्या डब्याला तेल लावून त्यात ओतावे व खिसलेले गाजर व चिरलेली सिमला मिरचीचे तुकडे वरून घालावेत.

तयार मिश्रण कुकरमध्ये वाफवून घ्यावे. दहा-बारा मिनिटांनी चेक करावे, सुरीला मिश्रण चिकटले नाही म्हणजे मिश्रण शिजले असे समजावे.

शिजलेले मिश्रण थंड झाले की, ते ट्रायँगल्स शेपमध्ये कट करून तव्यावर शॅलो फ्राय करावेत. गरमागरम 'सुजी वेजि ट्रायँगल्स' सॉस बरोबर सर्व्ह करावेत.