चपाती चे तुकडे करून घेणे. मिक्सरमधून त्यांचा बारीक भुगा करून घेणे.एका वाटी मध्ये काढून घेणे.

कांदा, कोथिंबीर बारीक चिरून घेणे.हिरव्या मिरची व लसूण यांचे वाटण करून घेणे.चपातीच्या भुग्यामध्ये ज्वारीचे, तांदळाचे, बेसनाचे पीठ घालून घेणे.चिरलेले सर्व साहित्य घालून मिक्स करून घेणे.

हळद, धने,जीरे पावडर, लाल तिखट,तीळ व चवीप्रमाणे मीठ घालून व्यवस्थित मिक्स करून घेणे.थोडे-थोडे पाणी घालून पीठ मळून घेणे.

थालीपिठाचे पीठ मळतो तसं मळून घेणे.प्लास्टीकच्या कागदाला तेल लावून घेणे.त्यावर पिठाचा गोळा घेऊन थालीपीठ बोटाने थापून घेणे. मध्ये-मध्ये होल पाडून घेणे.थालीपीठ जास्त जाड ही नको व जास्त पातळ ही नको.मध्यम जाडीचे हवे. गॅसवर तवा तापत ठेवते लावून घेणे

गॅसवर तवा तापत ठेवून, त्याला तेल लावून घेणे.तव्यावर थालीपीठ टाकताना गॅस मध्यम आचेवर ठेवावा.नंतर गॅस मध्यम आचेवर करावा. झाकण ठेवून एक बाजू भाजून घेणे.

झाकण काढून थालीपीठाची दुसरी बाजूही भाजून घेणे.अशाप्रकारे सर्व थालीपीठे करून घेणे.