बटाट्याची सालं काढून घेणे व स्वच्छ धुवून घेणे.किसणीने किसून घेणे.

एका वाटी मध्ये बटाट्याचा किस, पीठ, शेंगदाणा कूट,हिरव्या मिरच्या,कोथिंबीर बारीक चिरून घेणे. मीठ हे सर्व एकत्र करुन मिक्स करून घेणे.पाणी अजिबात घालू नये. बटाटयाचे पाणी सुटलेले असते.

गॅसवर पॅन गरम करत ठेवावा. पॅन तापल्यावर त्याला तेल किंवा तूप लावून घ्यावे व छोटासा गोळा घेऊन तव्यावर थापून घेणे.

छोटे-छोटे करू शकता किंवा एकच मोठे करू शकता. दोन्ही बाजूंनी छान भाजून घ्यावे.तेल किंवा तूप लावून घ्यावे.

अशाप्रकारे सर्व थालीपीठ करून घेणे व शेंगदाणा चटणी सोबत खावे.