प्रथम १ वाटी गहू, १ वाटी ज्वारी, १ वाटी तांदूळ, पाव कप मूग डाळ, १चमचा जीरे, १ चमचा ओवा, १ चमचा मेथी हे सर्व जिन्नस एक एक करून भिडयाच्या तवात मंद आचेवर भाजून घ्या. नंतर हे सर्व मिश्रण एकजीव करून थंड झाल्यावर दळण दळून घ्या.

प्रथम एका परातीत दीड कप भाजणीचे पीठ घेऊन त्यात मूठभर भिजवलेले पोहे, हळद, लाल तिखट, बारीक चिरलेला कांदा, बारीक चिरलेली कोथिंबीर, चवीनुसार मीठ हे सर्व पीठात मिसळून एकजीव करून घ्या.आता त्यात थोडे थोडे पाणी घालून हे पीठ चांगले मळून घ्या.

नंतर पोळपाटावर एक सुती पातळ कपडा ओला करून तो पसरुन त्या वर पीठाचा एक गोळा घेऊन तो हाताने दाबून थोडे थोडे पाणी लावून हा गोळा कपड्यावर व्यवस्थित थापून घ्या. ते व्यवस्थित भाजले जावेत म्हणून त्याला बोटाने तीन चार भोक करून घ्यावेत. गॅस वर तवा गरम करून त्या वर अलगद कापडासकट हे थालीपीठ तव्यावर उलटे घालून कपडा अलगद काढून टाकावा.

तयार गरमागरम कुरकुरीत पंच मिश्रित थालीपीठ दहयासोबत सव्हऀ करा.