प्रथम बटाटा स्वच्छ धुऊन तो वाफवून घ्यावा व नंतर किसणीने किस करून तो एका भांड्यात घ्यावा व त्यात आलं मिरची कोथिंबीर यांचे वाटण वाटून घालावे तसेच शेंगदाण्याचा कूट,मीठ, बारीक कापलेली कोथिंबीर, साखर, लिंबाचा रस सर्व घालून गोळा तयार करावा.

साबुदाणे स्वच्छ धुऊन चार-पाच तास भिजवावे व नंतर ते मिक्सरला लावून वाटून घ्यावे बाहेर काढून त्यात थोडे मीठ घालावे व त्याचा गोळा बनवून घेणे.

बटाट्याचे व मळलेल्या साबुदाण्याचे छोटे छोटे गोळे तयार करून घेणे साबुदाण्याचा गोळा हातावर थापून त्याची वाटी बनवावी व त्यात बटाट्याचा गोळा ठेवून ते बंद करून सर्व तयार करून घ्यावे.

आप्प्याचे भांडे गॅसवर ठेवून त्यात थोडे तेल घालावे व तयार केलेले साबुदाण्याचे आप्पे त्यात ठेवून चांगले भाजून घ्यावे गरम गरम चटणीबरोबर सर्व्ह करावे खूपच छान लागतात झणझणीत.