கட்டோரி சாட்

மைதா மாவுடன் 3 டீஸ்பூன் எண்ணெய், ஓமம், உப்புத் தூள் சேர்த்து பிசைந்து 15 நிமிடங்கள் மூடி வைக்கவும்.

உருளைக்கிழங்கை வேக வைத்து பொடியாக நறுக்கவும்.

பச்சை பட்டாணி அல்லது பச்சை பயிறு 4 மணி நேரம் ஊற வைத்து உப்பு சேர்த்து வேக வைக்கவும்.

வெங்காயம், கொத்தமல்லி தழையை பொடியாக நறுக்கவும்.

மாவை சிறு சிறு உருண்டைகளாக உருட்டி வைக்கவும்.

சிறிய அளவில் கிண்ணங்களை எடுத்துக் கொண்டு அதன் அடிப்பகுதியில் எண்ணெய் தடவிக் கொள்ளவும்.

மாவு உருண்டைகளை சிறு பூரிகளாக திரட்டிக் கொண்டு அதை கிண்ணத்தின் அடிப்பகுதியில் ஒட்டவும்.

முள் கரண்டியால் பூரியின் மேல் லேசாக துளைகள் இடவும்.

இந்த பூரி களை கிண்ணத்துடன் சேர்த்து எண்ணெயில் மெதுவாக போடவும்.

பூரி நன்றாக வெந்ததும் கிண்ணம் தனியாக பிரிந்து வரும்.

கிண்ணத்தை இடுக்கியால் மெதுவாக எடுத்து விடவும்.

பூரியை நன்றாக சிவக்க விட்டு வெளியே எடுத்து விடவும்.

பூரி களை தட்டில் அடுக்கி அதன் உள்ளே பொடியாக நறுக்கிய வெங்காயம், உருளைக்கிழங்கு,பட்டாணி அல்லது பச்சை பயிறு கொத்தமல்லி தழை சேர்த்து, பொடிகளை தூவி தக்காளி சாஸ் ஊற்றி பரிமாறவும்.