ஒரு கப் பச்சை வேர்க்கடலையை 1/2 மணி நேரம் ஊறவைத்து குக்கரில் 5 விசில் வேகவிடவும். வெந்தவுடன் தண்ணீரை வடித்து விடவும்.

வேர்க்கடலையில் மிளகாய்த்தூள் 1/2டீஸ்பூன் சேர்த்து வைக்கவும். மாங்காய் ஒரு துண்டு பொடியாக நறுக்கவும். பெரிய வெங்காயம் 1 பொடியாக நறுக்கவும். முட்டைக்கோஸ் சிறிதளவு பொடியாக நறுக்கவும்.கேரட் ஒன்று துருவி வைக்கவும். வெள்ளரிக்காயை நறுக்கி வைக்கவும்.தக்காளி 1 பொடியாக நறுக்கவும். கொத்தமல்லித்தழை சிறிதளவு பொடியாக நறுக்கவும்.ஆறு புதினா இலையை பொடியாக நறுக்கி சேர்க்கவும்.

நறுக்கிய துருவிய காய்கறிகளை வேர்கடலையில் சேர்க்கவும். உப்பு,சாட் மசாலா சேர்த்து கலக்கி விடவும். 1/2எலுமிச்சை சாறு வேர்க்கடலையில் பிழிந்துவிடவும்.

அனைத்தையும் சேர்த்து கலக்கி வைத்தால் வேர்க்கடலை புளிப்பு சாட் ரெடி. இதில் காரப்பொரி சேர்த்தும் வேர்க்கடலை புளிப்பு சாட் செய்யலாம். சுவை சூப்பர்.😋😋