ஒண்டரை கப் ராகி மாவோடு அரை கப் தோசை மாவு சேர்த்து கொஞ்சம் கொஞ்சமாக தண்ணீர் ஊற்றி பதத்திற்கு 3 நிமிடம் கலக்கவும்.

முழுவதுமாக தோசை மாவு பதத்திற்கு வந்த பின் தேவையான அளவு உப்பு சேர்க்க வேண்டும். கல்லை சூடு செய்து தோசைகளை ஊற்றுங்கள். சுவையான ராகி தோசை தயார்.

ராகி தோசைக்கு ஏற்ற காரசாரமான சட்னியை இப்போது தயார் செய்யலாம். கடாயை சூடு செய்து நறுக்கிய ஒரு வெங்காயத்தை நன்றாக வதக்கவும்.

அடுத்ததாக இரண்டு காய்ந்த மிளகாய் (காரத்திற்கு ஏற்ப மிளகாய்களை அதிகம் சேர்த்து கொள்ளலாம்), ஒரு நறுக்கிய தக்காளி, கொத்தமல்லி இலைகளை 7 நிமிடம் இதமான சூட்டில் வதக்கவும்.

பின்னர் மிக்ஸியில் நன்றாக அரைத்து கடுகு, உடைத்த உளுந்தம்பருப்பு, கருவேப்பிலையுடன் தாளிக்கவும். இப்போது உடலுக்கு ஆரோக்கியமான ராகி தோசையுடன் தக்காளி சட்னி ரெடி.