முதலில் சேமியாவை பொன்னிறத்தில் நன்றாக வறுத்துக் கொள்ளவும்.

வெங்காயம், பச்சை மிளகாய், தக்காளி மூன்றையும் பொடியாக நறுக்கிக் கொள்ளவும்.

முட்டையை நன்றாக அடித்து தனியாக வறுத்து எடுத்துக் கொள்ளவும்.

கடாய் அடுப்பில் வைத்து தேவைக்கு எண்ணெய் ஊற்றி சூடானதும் அதில் நறுக்கிய வெங்காயம், தக்காளி, பச்சை மிளகாய் சேர்த்து நன்றாக வதக்கவும்.

வெங்காயம் வதங்கியதும் இஞ்சி பூண்டு விழுது சேர்த்து சிறிது நேரம் வதக்கவும்.கறிவேப்பிலை சேர்க்கவும்.

பின்னர் இதில் மஞ்சள் தூள், மிளகாய் தூள் சேர்த்து வதக்கவும்.பச்சை மணம் மாறியதும், தேவைக்கு உப்பும் சேர்த்து தண்ணீர் விட்டு கொதிக்க விடவும்.

தண்ணீர் கொதித்ததும் வறுத்து வைத்துள்ள சேமியாவை அதில் சேர்த்து வேக விடவும்.

சேமியா வெந்ததும், வறுத்து வைத்திருக்கும் முட்டையை அதில் சேர்த்து நன்றாகக் கிளறி இறக்கவும்.

மல்லித்தழை நறுக்கியது தூவி பரிமாறவும்.

சுவையான முட்டை சேமியா தயார்.