முதலில் சர்க்கரையை மிக்ஸியில் அரைத்து பவுடராக எடுத்து கொள்ளவும். ஒரு பவுலில் வெண்ணெய், வெண்ணிலா எசன்ஸ், உப்பு சேர்த்து நன்கு கலந்து விடவும்.பின்னர் பவுடர் சர்க்கரை சேர்த்து நன்கு கலந்து விடவும்.

பிறகு மைதா மாவு இதில் சேர்த்து கிளறி நன்கு கையில் பிசைந்து சப்பாத்தி மாவு பதத்திற்கு வைத்து கொள்ளவும்.அதை இரண்டாக பிரித்து வைத்து கொள்ளவும்.

பிறகு ஒரு பாதி மாவில் கோகோ பவுடர் சேர்த்து நன்கு பிசைந்து வைத்து கொள்ளவும்.பிறகு இரண்டு மாவையும் நீளமாக உருட்டி வைத்து கொள்ளவும்.

பிறகு அதன் மேல் மூன்று பாகமாக கத்தியால் வெட்டி கொள்ளவும். பின் லேயர் மாற்றி ஒரு வெள்ளை லேயர் அதன் மேல் சாக்லேட் லேயர் என மாற்றி மாற்றி வைத்து லேசாக அழுத்தம் கொடுத்து அதை 3 துண்டுகளாக நறுக்கி கொள்ளவும்.

பிறகு மாறி மாறி நிறம் மாற்றி வைத்து லேசாக அழுத்தம் கொடுத்து கொள்ளவும். அதன் ஓரங்களில் இருந்து கட் செய்து வைத்து கொள்ளவும்.

ஒரு வானலில் ஸ்டான்ட் வைத்து மூடி வைத்து 5 நிமிடம் சூடு செய்து வைக்கவும். பிறகு ஒரு தட்டில் வெண்ணெய் தடவி அதன் மேல் கட் செய்து வைத்த குக்கீஸ்களை வைத்து மூடி வைத்து 20 நிமிடம் வேக வைக்கவும். அட்டகாசமான பட்டர் குக்கீஸ் தயார். நன்றி