முதலில் வெங்காயம் குடைமிளகாய் நீளவாக்கில் நறுக்கி கொள்ளவும், கேரட் பனீரை பொடியாக நறுக்கி கொள்ளவும், பிறகு சப்பாத்திகளை ஒரு பக்கம் நன்றாகவும் இன்னொரு பக்கம் பாதியாகவும் சுட்டு எடுத்துக் வைத்துக் கொள்ளவும், பிறகு ஒரு கடாயில் சிறிது எண்ணெய் விட்டு காய்ந்ததும் அதில் வெங்காயம் குடைமிளகாய் போட்டு வதக்கவும், பாதி பதம் வெந்ததும் அதில் இஞ்சி பூண்டு விழுது சேர்க்கவும், பச்சை வாசனை போக வதக்கி அதில் தனியா தூள் சீரகதூள் கரம்மசாலா தந்தூரிமசாலா சேர்த்து 1 நிமிடம் கிளறவும்.

அதில் பிறகு கேரட் பட்டானி சேர்த்து கிளறி மூடி வைத்து வேகவிடவும் காய் எல்லாம் வெந்ததும் அதில் மூன்று முட்டைகளை உடைத்து ஊற்றி நன்கு கிளறவும், முட்டை வெந்ததும் அதில் நறுக்கிய பன்னீரை போட்டு ஒரு நிமிடம் கிளறி மல்லிதழை தூவி இறக்கி விடவும், பிறகு சப்பாத்தியில் நன்கு வெந்த பக்கத்தில் பன்னீர் மசாலாவை வைத்து சுருட்டவும், இதே போல் எல்லா சப்பாத்திகளையும் செய்து பிறகு ஒரு தவாவில் எண்ணெய் தடவி ரோலை வைத்து சுட்டு எடுக்கவும், சுவையான முட்டை பன்னீர் ரோல் தயார்...