உருளைக் கிழங்கு பட்டாணி புலாவ்

ஒரு பிரஷர் குக்கரில் நெய் மற்றும் எண்ணெய் ஊற்றி, பட்டை, கிராம்பு, ஏலக்காய், அன்னாசி பூ, பிரியாணி இலை, வெங்காயம், பச்சை மிளகாய் மற்றும் இஞ்சி பூண்டு விழுது சேர்த்து நன்கு வதக்கவும். அடுத்து இதில் தக்காளி சேர்த்து வதக்கவும். தக்காளி வதக்கியத்தும் இதில் மிளகாய் தூள், மஞ்சள் தூள் மற்றும் உப்பு சேர்த்து கலக்கவும்.

அடுத்து வேகவைத்த பச்சை பட்டாணி மற்றும் உருளைக்கிழங்கு துண்டுகள் சேர்த்து கலந்து கொள்ளவும். இதில் கரம் மசாலா தூள், எலுமிச்சை சாறு, கொத்தமல்லி தழை, புதினா இலை சேர்த்து கலக்கவும். கடைசியாக பாஸ்மதி அரிசி மற்றும் தண்ணீர் விட்டு குக்கரை மூடவும். குக்கரில் ஆவி வந்த உடன் வெய்ட் போட்டு, மிதமான சூட்டில் 2 விசில் வரும் வரை வேக விடவும். பிரஸர் இறங்கியதும் உருளைக்கிழங்கு பட்டாணி புலாவ் எடுத்து பரிமாறலாம்.