கொண்டைக் கடலையை ஆறு மணி நேரம் ஊற வைக்கவும். வேர்க்கடலையை மூன்று மணி நேரம் ஊற வைக்கவும்.

இரண்டும் ஊறியதும் கரகரப்பாக அரைத்துக் கொள்ளவும்.

அரைத்த விழுதோடு நறுக்கிய பாலக், நறுக்கிய பச்சைமிளகாய், சில்லி ஃப்ளேக்ஸ், மிளகுத்தூள், மிக்சட் ஹெர்ப்ஸ், தேவையான அளவு உப்பு, லெமன் ஜூஸ், கரம் மசாலா, இஞ்சி விழுது, பிரட் தூள் சேர்த்து நன்கு கலந்து கொள்ளவும்.

கலந்து வைத்துள்ள கலவையை விரும்பிய வடிவில் நக்கெட்ஸ்களாக செய்து கொள்ளவும்.

கோதுமை மாவு, தண்ணீர், சில்லி ஃப்ளேக்ஸ், மிளகுத்தூள், மிக்சட் ஹெர்ப்ஸ், தேவையான அளவு உப்பு சேர்த்துக் கரைத்து வைக்கவும்.

செய்து வைத்துள்ள நக்கெட்ஸ்களை கோதுமை மாவு கலவையில் மூழ்க வைத்து எடுக்கவும்.

பிரட் தூளில் பிரட்டி எடுத்து ஃப்ரிட்ஜில் அரைமணி நேரம் வைக்கவும்.

அரைமணி நேரத்திற்கு பிறகு நக்கெட்ஸ்களை ஃப்ரிட்ஜில் இருந்து வெளியே எடுத்து காய்ந்த எண்ணெயில் பொரித்து எடுக்கவும்.

பொரித்து எடுத்த நக்கெட்ஸ்களை தக்காளி சாஸ் அல்லது கெட்சப்புடன் சூடாகப் பரிமாறவும்.