ஒரு வெறும் கடாயில் முதலில் அரிசியை வறுக்கவும். கருக விடாமல் அடுப்பை மிதமான தீயில் வைத்து சிவக்க பொரிய வறுத்து ஒரு தட்டில் நன்கு ஆறவிடவும்.

பிறகு அதே கடாயில் பாசிப்பருப்பை மிதமான தீயில் வைத்து மிதமாக அதாவது சிவக்க விடாமல் வறுக்கவும். அரிசியுடன் ஆற விடவும்.

பிறகு முந்திரி பருப்பை வறுத்து ஆறவிடவும்

மிக்ஸியில் அனைத்தையும் சேர்த்து தண்ணீர், ஈரம் அல்லது ஈரப்பதம் இல்லாமல் அரைத்து பொடியாக எடுக்கவும். பொரி அரிசி மாவு ரெடி ‌ இதை வைத்து தான் நம்ம பாயாசம் செய்ய போறோம்

1 கப் பொரி அரிசி மாவு, 1 கப் நாட்டு சர்க்கரை, 8 முந்திரி & காய்ந்த திராட்சை, நெய் எடுத்துக் கொள்ளவும். ஒரு சிறிய கடாயில் நெய் விட்டு முந்திரி, திராட்சையை வறுத்து தனியே ஆறவிடவும்.

வேறோரு அகன்ற பாத்திரத்தில் பொரி அரிசி மாவு அதனுடன் பால் சேர்த்து நன்கு சீராக கலந்து அடுப்பில் வைக்கவும்

கொதி வந்ததும் அடுப்பை சிம்மில் வைக்கவும்.. 5 நிமிடம் வைத்து கிளறிவிட்டு கொண்டே இருக்கவும்

பிறகு நாட்டு சர்க்கரை சேர்த்து நன்கு கலந்து மீண்டும் கொதி வந்ததும் ஏலக்காயை பொடித்து சேர்க்கவும்.

இறுதியாக முந்திரி திராட்சையை சேர்த்து இறக்கவும்