முதலில் பாஸ்மதி அரிசியை ஒரு மணி நேரம் ஊற வைக்கவும்.கடாயில் நெய் சேர்த்து அதில் பட்டை, கிராம்பு,ஏலக்காய் தாளித்து அதன் பின் நறுக்கிய வெங்காயம், பச்சை மிளகாய் சேர்த்து வதக்கவும்.பின் இஞ்சி பூண்டு விழுது, புதினா சேர்த்து வதக்கி நறுக்கிய பேபி கார்ன் சேர்த்து வதக்கி சிறிது தண்ணீர் மற்றும் உப்பு சேர்த்து 5 நிமிடம் வேக வைக்கவும். பின் பால் சேர்த்து கொதித்ததும் பாஸ்மதி அரிசி சேர்த்து நன்றாக கிளறி மூடி போட்டு 5 நிமிடம் வேக வைக்கவும். தண்ணீர் சிறிது வற்றியதும் 10 நிமிடம் தம் போட்டு வைக்கவும்.

அதன்பின் கொத்தமல்லி இலை தூவி கிளறி இறக்கவும். சுவையான பேபிகார்ன் புலாவ் தயார்.