சுரைக்காய் பச்சை பயறு குழம்பு

பச்சை பயறு நன்றாக கழுவி சுத்தம் செய்து குக்கரில் சேர்த்து தேவையான அளவு தண்ணீர் ஊற்றி 3 விசில் விட்டு வேக வைத்து எடுக்கவும்.சுரைக்காய் தோள் சீவி சிறு சிறு துண்டுகளாக நறுக்கி கொள்ளவும்.தேங்காய் துருவல் மிக்ஸியில் பேஸ்ட் போல் அரைத்து வைத்துக் கொள்ளவும்.

வானலில் எண்ணெய் ஊற்றி காய்ந்ததும் சீரகம் தாளித்து பூண்டு பல் தட்டி சேர்த்து, வெங்காயம், கறிவேப்பிலை சேர்த்து நன்கு வதக்கவும். பிறகு தக்காளி, மஞ்சள் தூள், உப்பு சேர்த்து நன்கு மசித்து வதக்கவும்.

பிறகு மிளகாய்த்தூள், மல்லி தூள், குழம்பு பொடி சேர்த்து தேவையான அளவு உப்பு சேர்த்து வதக்கி சுரைக்காய் இதில் சேர்த்து நன்றாக வதக்கி விடவும்.வேக வைத்து எடுத்த பச்சை பயறு, அரைத்த தேங்காய் பேஸ்ட் சேர்த்து தேவையான அளவு தண்ணீர் ஊற்றி உப்பு, காரம் சரிபார்த்து கொதிக்க விடவும்.

பிறகு குழம்பு கொதித்து எண்ணெய் பிரிந்து வந்ததும் கொத்தமல்லி சிறிதளவு சேர்த்து இறக்கவும். சுவையான சத்தான சுரைக்காய் பச்சை பயறு குழம்பு தயார். நன்றி