ராஜ்மாவை 8மணி நேரம் ஊற வைத்து பின்னர் ராஜ்மாவை குக்கரில் போதுமான அளவு நீர் சேர்த்து (ராஜ்மா மூழ்கும் வரை)1/2 ஸ்பூன் உப்பு சேர்த்து 3 விசில் வரும் வரை மிதமான தீயில் வேக வைத்து எடுத்துக் கொள்ளவும்.

பின்னர் குக்கரில் 3ஸ்பூன் நெய் (அல்லது 1ஸ்பூன் நெய் 2ஸ்பூன் எண்ணெய்) எடுத்து சூடானதும் பட்டை, லவங்கம், அன்னாசி பூ, பிரிஞ்சி இலை, ஏலக்காய் ஆகியவற்றை சேர்த்து தாளித்த உடன் நீள வாக்கில் வெட்டி உள்ள வெங்காயம் மற்றும் பச்சை மிளகாய் சேர்த்து நன்கு கோல்டன் கலர் வரும் வரை வதக்கவும்.

பின்னர் இஞ்சி பூண்டு விழுது சேர்த்து 1நிமிடம் வதக்கி பின் பொடியாக நறுக்கிய தக்காளி மற்றும் புலாவ்க்கு தேவையான உப்பு சேர்த்து தக்காளி நன்கு மசியும் வரை வதக்கவும். பின்னர் மஞ்சள் தூள், மிளகாய் தூள், கரம் மசாலா, சேர்த்து கலந்து கொண்டு வேக வைத்த ராஜ்மாவை சேர்த்து (தண்ணீர் இல்லாமல்)மசாலா உடன் நன்றாக கலந்து கொள்ளவும் பின்னர் எலுமிச்சை சாறை சேர்த்து பின் நறுக்கிய கொத்த மல்லி சேர்த்து கலந்து கொள்ளவும்.