பாசிப்பருப்பு 1/2 கப் வெறும் கடாயில் லேசாக வறுத்து கழுவி குக்கரில் வேக விடவும்.

வெந்த பாசிப்பருப்பை தனியாக எடுத்துவைக்கவும்.கத்திரிக்காய் 2, கேரட் 2,பீன்ஸ் 8,முருங்கைக்காய் 1,சின்ன வெங்காயம் 15 தோல் நீக்கி கழுவி,முழு பூண்டு 1 தோல் நீக்கி கழுவி, அவரைக்காய் 6, எடுத்து வைக்கவும்.

காய்கறிகளை கழுவி நறுக்கி வைக்கவும்.உருளைகிழங்கு 1 தோல் நீக்கி நறுக்கி கழுவி தண்ணீரில் வைக்கவும் வாழைக்காய் 1/2 தோல் நீக்கி நறுக்கி தண்ணீரில் வைக்கவும்.இஞ்சி 1 துண்டு தோல் நீக்கி நறுக்கி வைக்கவும்.

பச்சை மிளகாய் 4 கழுவி நறுக்கி விதை நீக்கி வைக்கவும். தேங்காய் 1 மூடி துருவி மிக்ஸியில் அரைத்து முதல் மற்றும் இரண்டாம் பால் எடுத்து வைக்கவும்.

கடாயில் தேங்காய் எண்ணெய் ஊற்றி கடுகு 1 டீஸ்பூன்,சீரகம் 1 டீஸ்பூன் சேர்த்து கருவேப்பிலை தாளித்து தட்டிய பூண்டு,சின்ன வெங்காயம் வதக்கி நறுக்கிய காய்கறிகளை சேர்த்து வதக்கி விடவும்.

வதக்கிய காய்கறிகளை குக்கரில் சேர்த்து இரண்டாம் தேங்காய் பால்,உப்பு சேர்த்து 1 விசில் விட்டு வேக விடவும்.

வெந்தவுடன்,அடுப்பை சிம்மில் வைத்து பாசிப்பருப்பு சேர்த்து முதல் தேங்காய் பால் ஊற்றி கலக்கி இறக்கி விடவும்.

சொதியை கிண்ணத்தில் ஊற்றி வைத்து எலுமிச்சை பழம் 1/2 பிழிந்து கலக்கி விடவும்.

சுவையான சொதி குழம்பு ரெடி.இதற்கு இஞ்சி துவையல் வைத்து சாப்பிட்டால் சுவையோ அலாதி.வடகம் பொரித்து சாப்பிடலாம்.