முதலில் வெங்காயம் மற்றும் பூண்டை கொரகொரப்பாக அரைத்துக் கொள்ளவும். அதன்பின் தக்காளி மற்றும் புளியை தண்ணீர் அதிகம் விடாமல் நன்றாக கரைத்து வடிகட்டி எடுத்துக் கொள்ளவும்.அந்த புளித்தண்ணீரில் மிளகாய்த்தூள், மல்லித்தூள் சீரகத்தூள், மஞ்சள்தூள் மற்றும் பாதி வெங்காயம் பூண்டு விழுது சேர்த்து கலந்து கொள்ளவும்.

கடாயில் நல்லெண்ணெய் சேர்த்து சூடானதும் கடுகு, வெந்தயம், கறிவேப்பிலை தாளித்து அதன் பின் மீதி உள்ள வெங்காய பூண்டு விழுதை சேர்த்து பொன்னிறமாக வதக்கவும்.அதன்பின் ஒரு தக்காளியை சிறிய துண்டுகளாக நறுக்கி அதனையும் சேர்த்து தக்காளி கரையும்வரை வதக்கி கொள்ளவும்.தக்காளி கரைந்தவுடன் ஏற்கனவே கரைத்து வைத்துள்ள புளி கரைசலை சேர்த்து தேவையான அளவு உப்பு சேர்த்து கலந்து உடனே ஒரு தட்டு போட்டு மூடிவிடவும்.

குழம்பு கொதித்து நன்றாக எண்ணெய் பிரிந்து கெட்டியான பதம் வந்ததும் கழுவி வைத்துள்ள மீனை சேர்த்து பத்து நிமிடம் மிதமான சூட்டில் வேகவைக்கவும். இடையிடையே கரண்டி போடாமல் பாத்திரத்தைக் குலுக்கி விடவும். இறுதியில் நறுக்கிய கொத்தமல்லி இலை சேர்த்து இறக்கவும்.

குறிப்பு:-நீங்கள் காரத்திற்கு ஏற்ப மிளகாய்த்தூள் மற்றும் புளிப்புக்கு ஏற்ப புளியையும் கூட்டியோ குறைத்தோ கொள்ளலாம். தேங்காய் சேர்க்காததால் இரண்டு நாள் வைத்தாலும் குழம்பு கெடாது.