செட்டிநாடு காய்கறி புலாவ் /Chettinad Vegetable Pulao

கேரட் 2 தோல் நீக்கி கழுவி நறுக்கி வைக்கவும். உருளைக்கிழங்கு 1 தோல் நீக்கி கழுவி நறுக்கி தண்ணீரில் வேக விட்டு எடுத்து வைக்கவும்.பீன்ஸ் 8 கழுவி நறுக்கி வைக்கவும். பெரிய வெங்காயம் 1 தோல் நீக்கி நீள வாக்கில் நறுக்கி வைக்கவும்.பாசுமதி அரிசி 1 கப் கழுவி 2 கப் தண்ணீர் ஊற்றி ஊற விடவும்.புதினா கழுவி எடுத்து வைக்கவும்.

பச்சை பட்டாணி 1/4 கப் கழுவி வேக வைத்து தண்ணீர் வடித்து வைக்கவும்.அரைக்க தனியா 1 டீஸ்பூன்,மிளகு 1 டீஸ்பூன், கிராம்பு 2,பட்டை 1 துண்டு,சோம்பு 1 டீஸ்பூன் எடுத்து வெறும் கடாயில் வறுத்து ஆறவிடவும்.

ஆறவிட்டதை மிக்ஸியில் சேர்த்து பொடித்து வைக்கவும். மசாலா பொடி ரெடி.இஞ்சி பூண்டு விழுது,மஞ்சள் தூள் 1 டீஸ்பூன்,மிளகாய் தூள் 1 டீஸ்பூன்,பிரிஞ்சி இலை 1 எடுத்து வைக்கவும்.குக்கரில் 2 டேபிள் ஸ்பூன் நெய் விட்டு இஞ்சி பூண்டு விழுது சேர்த்து,

நறுக்கிய பெரிய வெங்காயம், பச்சை மிளகாய் 2 சேர்த்து வதக்கி நறுக்கிய கேரட் பீன்ஸ் உருளைக்கிழங்கு பிரிஞ்சி இலை சேர்த்து,மஞ்சள் தூள் மிளகாய் தூள் உப்பு சேர்த்து கிளறி விடவும்.

அரைத்த மசாலா பொடி சேர்த்து நன்கு கலக்கி விட்டு,ஊறிய அரிசி சேர்த்து கலக்கி தண்ணீர் 2 கப் ஊற்றி குக்கரில் 3 விசில் வேக விடவும்.சுவையான செட்டிநாடு காய்கறி புலாவ் ரெடி.

அலங்கரிக்க வேக வைத்த பச்சை பட்டாணி புதினா இலை களை மேலே சேர்க்கவும். சுவையான புலாவ் ரெடி.தயிர் பச்சடி செய்து தொட்டு சாப்பிடலாம்.😋😋