முட்டைக்கோஸ் பராத்தா

ஒரு கடாயில் சிறிது எண்ணெய் ஊற்றி அதில் பொடித்து வைத்துள்ள மல்லி விதை, ஓமம் சேர்த்து தாளிக்கவும். பின்னர் பொடியாக துருவிய முட்டைக்கோஸை சேர்த்து 2நிமிடம் நன்கு வதக்கவும். பின் இஞ்சி பூண்டு பேஸ்ட் சேர்த்து வதக்கவும். பின்னர் மஞ்சள் தூள், மிளகாய் தூள், கரம் மசாலா, சீரகத்தூள், ஆம்சூர் பவுடர், தேவையான அளவு உப்பு ஆகியவற்றை சேர்த்து வதக்கவும். இதில் தண்ணீர் சேர்க்க கூடாது. பொடியாக நறுக்கிய கொத்த மல்லி இலை தூவி முட்டைக்கோஸ் சாப்டாக வரும் வரை வதக்கி ஆற விடவும்.

சப்பாத்தி மாவை சிறு உருண்டையாக எடுத்து அதை சின்ன சைஸ் சப்பாத்தி போல் தேய்த்து அதன் நடுவே முட்டைகோஸ் ஐ வைத்து ரௌண்டாக மூடி அழுத்தவும். பின்னர் சப்பாத்தி மூடிய பக்கத்தை சப்பாத்தி கடடையின் மேல் வைத்து அதிக அழுத்தம் கொடுக்காமல் முடிந்த வரை கையினால் அழுத்தவும். பின் சப்பாத்தி கட்டை கொண்டு லேசான அழுத்தம் கொடுத்து மசாலா வெளி வராமல் தேய்க்கவும்.

சூடான தோசைக்கல்லில் 1நிமிடம் இருபுறமும் திருப்பி போட்டு எண்ணெய் அல்லது பட்டர் தடவி சுட்டு எடுத்து கெட்டி தயிருடன் பரிமாறவும். குறிப்பு சப்பாத்தி சாப்டாக வர கொஞ்சம் கொஞ்சமாக நீரை மாவு முழுவதும் ஊற்றி பிசையவும்.