ஒரு வாணலியில் ஆயில் 2 ஸ்பூன் விட்டு சூடானதும் துவரம் பருப்பை போட்டு சிம்மில் வைத்து சிவக்க வறுத்து எடுக்கவும். அடுத்ததாக பச்சைப்பயறு சிம்மில் வைத்து மணம் வரும் வரை வறுக்கவும். அதேபோல் கடலைப்பருப்பு உளுத்தம்பருப்பு சேர்த்து வறுக்கவும். பருப்பு வகைகளை தனித்தனியாக வறுத்து ஒரு தட்டில் கொட்டவும். அதே வாணலியில் சிறிது எண்ணெய் ஊற்றி மிளகு ஜீரகம் லேசாக வறுத்து முந்திரி பாதாமை போட்டு அதனுடன் பிரட்டி வறுத்த வேர்கடலை அதனுடன் போட்டு வறுத்து எடுக்கவும. எள்ளு கழுவி சுத்தம் செய்து தனியாக வறுத்து கொட்டவும்.

காரத்திற்கு தேவையான மிளகாயை வறுத்துக் கொட்டவும். பெருங்காயத்தூள் சிறிதளவு சேர்த்து வறுத்துக் கொட்டவும்.அடுப்பை அனைத்து விட்டு வாணலியில் உள்ள சூட்டில் அரை கப் வருகடலை லேசாக வறுத்துக் கொட்டவும். தேவையான உப்பு சேர்க்கவும்

வறுத்து எல்லாவற்றையும் ஒரு தட்டில் கொட்டி சிறிது நேரம் ஆறவிடவும்.ஆறியதும் மிக்ஸியில் மிளகாய் பருப்பு முந்திரி பாதாம் வேர்க்கடலை சற்று நைசாக அரைத்து எடுக்கவும்.பிறகு மற்ற பொருட்களையும் போட்டு இட்லி பொடி அரைப்பது போல் சற்று கரகரவென்று அரைத்து அனைத்தையும் ஒன்றாக கலக்கவும். சுவையான காரமான புரதம் கால்சியம் நிறைந்த மல்டி கிரெயின் பொடி தயார்.

சாதத்துடன் போட்டு நெய் ஊற்றி சாப்பிடலாம். இட்லிக்கும் தொட்டுக்கொள்ளலாம். குழம்பு வைக்காத போது இந்த பொடி நமக்கு சாதத்திற்கு பிசைந்து சாப்பிட ஏற்றது. நீங்களும் செய்து சுவைத்து பாருங்கள். வாணலியில் சிறிது எண்ணெய் ஊற்றி கடுகு உளுந்து தாளித்து கருவேப்பிலை போட்டு இந்த பொடி இரண்டு ஸ்பூன் போட்டு உதிராக வடித்த சாதத்தைப் போட்டு கிளறி குழந்தைகளுக்கு லஞ்ச் பாக்ஸில் போட்டு தரலாம்.