முருங்கைக்கீரை எள்ளு சாதம்

முதலில் பச்சரிசி அல்லது புழுங்கல் அரிசி ஒரு டம்ளர் ஊறவைத்து கொள்ளவும்.அரை மணி நேரம் ஊறிய பின் சாதமாக வடித்துக் கொள்ளவும். ஒரு கப் எள்ளை வெறும் வாணலியில் நன்கு சிவக்க வறுத்துக்கொள்ளவும். பிறகு எள்ளை வேறு பாத்திரத்தில் மாற்றிவிட்டு 5 வர மிளகாயை வெறும் வறுப்பாக சிவக்கவறுத்து கொள்ளவும். இரண்டையும் ஆற விடவும். முதலில் மிக்ஸியில் மிளகாயை அரைத்துக் கொண்டு பிறகு அதனுடன் எள்ளை சேர்த்து கரகரப்பாக அரைக்கவும்.

அரிசி ஊறிய பின் சாதமாக வடித்துக்கொள்ளவும்.ஒரு கடாயில் எண்ணெய் சேர்த்து காய்ந்தவுடன் அதில் ஒரு ஸ்பூன் கடுகு, ஒரு ஸ்பூன் உளுத்தம் பருப்பு, கிள்ளிய வரமிளகாய் 4 சேர்த்து கருகாமல் வறுத்து கொள்ளவும்.

முருங்கைக் கீரையை ஆய்ந்து நன்கு தண்ணீரில் கழுவிக் கொள்ளவும். குக்கரில் 2 விசில் விட்டு வேக வைத்துக் கொள்ளவும். நீரை வடித்துக் கொள்ளவும். இந்த நீரை வீணாக்காமல் சூப் போட்டு குடித்துக் கொள்ளலாம். வெந்த கீரை ஒன்றுடன் ஒன்று ஒட்டிக் கொண்டிருக்கும். கைகளால் இலைகளை முடிந்தவரை தனித்தனியாக பிரித்துகொள்ளவும்

வடித்த சாதத்தை ஆற விட்டு அதில் தாளித்தவற்றை சேர்க்கவும். உப்பு சேர்த்து நன்கு கலக்கவும். பிறகு அரைத்த எள்ளு மிளகாய் பொடியை சேர்த்து கிளறவும். கடைசியாக வேகவைத்த முருங்கைக்கீரையை சாதத்துடன்சேர்த்து நன்கு கலந்து விடவும். சுவையான முருங்கை கீரை எள்ளு சாதம் ரெடி. தொட்டு கொள்ள அப்பளம், வடகம் நன்றாக இருக்கும்