பீஃபை நன்றாக கழுவி தண்ணீர் வடிய வைத்து விட்டு பின்னர் அதில் மஞ்சள் தூள், உப்பு, பெப்பர் தூள், இஞ்சி பூண்டு விழுது சேர்த்து நன்றாக புரட்டி வைக்கவும்.

இதை ஒரு பிரஷ்ஷர் குக்கரில் அரை கப் தண்ணீர் சேர்த்து 5 விசில் வரும் வரை வேக வைத்து எடுக்கவும்.

ஒரு பேனில் எண்ணெய் ஊற்றி காய்ந்ததும் அதில் சின்ன வெங்காயம், பெரிய வெங்காயம் சேர்த்து வதக்கவும்.

பின்னர் இதில் இஞ்சி பூண்டு விழுது, பச்சை மிளகாய், நறுக்கிய கேப்ஸிகம், சேர்த்து நன்றாக வதக்கவும்.

இதில் தக்காளி, தேவைக்கு உப்பும் சேர்த்து வதக்கவும்.

வெங்காயம், தக்காளி எல்லாம் நன்றாக வதங்கி‌ வரும் போது இதில் மஞ்சள் தூள், மிளகாய் தூள், மல்லித் தூள், பெப்பர் தூள், கரம் மசாலா தூள் சேர்த்து மசாலாவின் பச்சை வாசனை மாறும் வரை நன்றாக வதக்கவும்.

பின்னர் இதில் வேக வைத்து வைத்திருக்கும் பீஃபை சேர்த்து கறிவேப்பிலையும் சேர்த்து நன்றாகக் கிளறி மூடி வைத்து 15 நிமிடம் வேக வைக்கவும்

எண்ணெய் மேலே படர்ந்து வரும் போது மல்லித்தழை தூவி அடுப்பை அணைத்து இறக்கவும்.

அருமையான பீஃப் ரோஸ்ட் ரெடி.