ஒரு வாணலியில் எண்ணெய் 1ஸ்பூன் சேர்த்து காய்ந்த உடன் அதில் 1 ஸ்பூன் கடுகு, 1/2 ஸ்பூன்உளுத்தம்பருப்பு, 1/2 ஸ்பூன் கடலைப்பருப்பு,1ஸ்பூன் இஞ்சி துண்டுகள் பொடியாக நறுக்கிய 2பச்சை மிளகாய் சேர்த்து வதககவும். முந்திரிப் பருப்பை உடைத்து அதில் சேர்க்கவும்.பிண்பு அதில் 1 தம்ளர் ரவயை நன்கு சூடாகும் வரை வறுக்கவும். சிவக்க விட வேண்டாம். வறுத்த உடனே வேறு பாத்திரத்திற்கு மாற்றி நன்கு ஆற விடவும். விருப்ப பட்டால் கேரட் துருவி சேர்க்கலாம்.

ஆறிய பிறகு அதில் 1/2 தம்ளர் தயிர் சேர்க்கவும். புளிக்காத தயிரே சேர்க்கலாம். தூள் உப்பு தேவையான அளவு சேர்த்து கொஞ்சமாக தண்ணீர் சேர்த்து கரைத்து 1/2 மணி நேரம் ஊற வைக்கவும். ஊறிய பிறகு ரவை கெட்டியாக இருந்தால் மீண்டும் கொஞ்சம் தண்ணீர் சேர்த்து கொள்ளவும். அள்ளி ஊற்றும் பதத்திற்கு கரைக்க. நீர்க்க கரைக்க வேண்டாம். படத்தில் காட்டியபடி கரைக்க. கறிவேப்பிலை கொத்தமல்லி பொடியாக அரிந்து சேர்க்கவும். ஒரு சிட்டிகை சோடா உப்பு சேர்த்துக் எல்லாவற்றையும் நன்கு கலந்து கொள்ளவும்.

இட்லி பானையில் தண்ணீர் ஊற்றி அடுப்பில் வைக்கவும்.இட்லி தட்டில் எண்ணெய் அல்லது நெய் தடவி ஒரு முந்திரி பருப்பு அலங்கரிக்க வைக்கவும்.தட்டில் ஒரே மாதிரி மாவை ஊற்றி இட்லி பானையில் வைத்து மூடி 10 நிமிடங்கள் வேக விடவும். பின்பு ஆற விட்டு ஸ்பூன் கொண்டு எடுக்கவும்.

சுவையான ஹோட்டல் ரவா இட்லி வீட்டிலேயே தயார். தொட்டுக்கொள்ள சட்னி, சாம்பார், புளிசட்னி நன்றாக இருக்கும்.