குக்கரில் 3 பெரிய உருளைக்கிழங்கை தோல் சீவி கழுவி வேக வைக்கவும். காய்ந்த பச்சை பட்டாணியை ஊற வைத்து வேக வைக்கவும். 2 பெரிய வெங்காயத்தை தோல் நீக்கி கழுவி பொடியாக நறுக்கவும். குடைமிளகாய் 1 கழுவி பொடியாக நறுக்கி வைக்கவும். 3 தக்காளி கழுவி பொடியாக நறுக்கி வைக்கவும்.கேரட் 1 தோல்சீவி கழுவி பொடியாக நறுக்கவும். பீன்ஸ் 4 பொடியாக நறுக்கி வைக்கவும்.

இஞ்சி பூண்டு விழுது அரைத்து வைக்கவும். குக்கரில் 1 டேபிள்ஸ்பூன் வெண்ணெய் சேர்த்து பொடியாக நறுக்கிய வெங்காயம்,இஞ்சி பூண்டு விழுது சேர்த்து வதக்கவும்.

நறுக்கிய தக்காளி குடைமிளகாய்,கேரட்,பச்சை பட்டாணி,பீன்ஸ் சேர்த்து வதக்கவும். மஞ்சள்தூள் 1/2டீஸ்பூன்,உப்பு பாவ் பாஜி மசாலா 1 டீஸ்பூன் சேர்த்து வதக்கவும்.

தண்ணீர் சிறிது விட்டு குக்கரில் நான்கு விசில் வேகவிடவும். வெந்த காய்கறிகளை மசித்து விடவும். குக்கரில் வேக வைத்த உருளைக்கிழங்கை நன்கு மசித்து வைக்கவும்.

மசித்த உருளைக்கிழங்கை வெந்த காய்கறிகளுடன் சேர்த்து கலக்கி விடவும்.
கசூரி மேத்தி 1 டீஸ்பூன் சேர்க்கவும்.

1 கைபிடி அளவு கொத்தமல்லி தழையை பொடியாக நறுக்கி சேர்க்கவும். அனைத்தையும் கலந்துவிட்ட ஒரு கிண்ணத்தில் எடுத்து வைக்கவும்.தோசைக் கல்லில் வெண்ணெய் 1 டீஸ்பூன் சேர்த்து விடவும்.

பண்ணை நடுவில் வெட்டி தோசைக்கல்லில் 1 டீஸ்பூன் வெண்ணெய் சேர்த்து இருபுறமும் டோஸ்ட் செய்யவும். டோஸ்ட் செய்த பண்ணுடன் பாவ் பாஜி மசாலாவை வெண்ணெய் சேர்த்து, பொடியாக நறுக்கிய பெரிய வெங்காயம்,1 துண்டு எலுமிச்சம்பழம் வைத்து பரிமாறவும்.