காய்ந்த பச்சை பட்டாணியை கழுவி முதல் நாள் ஊற வைக்கவும். எட்டு மணி நேரம் ஊற வேண்டும்.ஒரு பிரஷர் பானில் பட்டாணி மூழ்கும் வரை தண்ணீர் விட்டு ஒரு சிட்டிகை உப்பு போட்டு சிம்மில் வைத்து 5 விசில் விடவும். ஒரு பெரிய வெங்காயம் ஒரு பெரிய தக்காளி ஒரு பச்சை மிளகாய் இஞ்சி பூண்டு விழுது ஒரு ஸ்பூன், புதினா இலை கொத்தமல்லி இலை கைப்பிடி கழுவி சுத்தம் செய்து மிக்ஸியில் போட்டு நன்கு மைய அரைத்து வைக்கவும். ஒரு பெரிய வெங்காயம் பொடியாக அரிந்து வைக்கவும்.

ஒரு வாணலியில் ஒரு குழிக்கரண்டி எண்ணெய் விட்டு சூடானதும் சிறிதளவு சோம்பு கருவேப்பிலை சேர்த்து தாளிக்கவும். பொடியாக அரிந்த பெரிய வெங்காயம் ஒரு கப் சேர்த்து நன்கு வதக்கவும். மிக்ஸியில் அரைத்த புதினா மல்லி தழை வெங்காயம் தக்காளி விழுதை சேர்த்து நன்கு வதக்கவும்.தனியா தூள் ஒரு ஸ்பூன் மிளகாய்தூள் ஒரு ஸ்பூன் கரம் மசாலா தூள் அரை ஸ்பூன் சேர்த்து பச்சை வாசனை போகும் வரை வதக்கவும். தேவையான உப்பு வெந்த பட்டாணி சேர்த்து அடுப்பை சிம்மில் வைத்து அரை டம்ளர் தண்ணீர் அரை டம்ளர் பால் சேர்த்து கொதிக்கவிடவும்.