வெஜ் குருமா

கேரட் பீன்ஸ் கழுவி பொடியாக நறுக்கவும் காய்ந்த பட்டாணி ஆக இருந்தால் எட்டு மணி நேரம் ஊற வைக்கவும்.ஒரு சிட்டிகை உப்பு போட்டு 4 விசில் விட்டு குழையாமல் வேகவிட்டு எடுத்துக்கொள்ளவும்.பச்சை பட்டாணி இருந்தால் கேரட் பீன்ஸ் உடன் சேர்த்து வதக்கவும்.அடுப்பில் வாணலியை வைத்து சூடானதும் 3 ஸ்பூன் எண்ணெய் விட்டு பிரிஞ்சி இலை ஒரு பட்டை கிராம்பு தாளித்து பெரிய வெங்காயம் பொடியாக நறுக்கி சேர்த்து வதக்கவும் வெங்காயம் வதங்கியதும் இஞ்சி பூண்டு பேஸ்ட் ஒரு ஸ்பூன் சேர்த்து பச்சை வாசனை போகும் வரை வதக்கவும்.

பொடியாக அரிந்த கேரட் பீன்ஸ் சேர்த்து சுருள வதக்கி தேவையான உப்பு ஒரு சிட்டிகை மஞ்சள் தூள் சேர்த்து ஒரு டம்ளர் நீர் விட்டு மூடி வைக்கவும். ஒரு தக்காளி துருவிய தேங்காய் ஒரு கப் ஒரு ஸ்பூன் கசகசா சோம்பு அரை ஸ்பூன் இரண்டு பச்சை மிளகாய் 4 முந்திரி சேர்த்து மிக்ஸியில் மைய அரைத்து வெந்த காய்கறி கலவை உடன் சேர்த்து ஒரு ஸ்பூன் சர்க்கரை சேர்த்து நன்கு கலந்து விடவும். தேவையான தண்ணீர் ஊற்றி குக்கரை மூடி போட்டு அடுப்பை சிம்மில் வைத்து இரண்டு விசில் விடவும்.

கொத்தமல்லி புதினா இலை தூவி விடவும்.சுவையான வெஜ் குருமா தயார். உருளைக்கிழங்கு காலிபிளவர் ஒரு கப் சேர்த்து செய்தால் மிகவும் சுவையாக இருக்கும். என்னிடம் இருந்த காய்கறிகளை வைத்து செய்தேன். மிகவும் சுவையாக இருந்தது.