ஒரு பவுலில் அரிசி, பருப்பு, வெந்தயம் இவற்றை எடுத்து நன்கு கழுவி சுத்தம் செய்து தண்ணீர் ஊற்றி 5 மணி நேரம் தண்ணீரில் ஊற வைக்கவும்.

பின்னர் மிக்ஸியில் நன்கு மையாக அரைத்து எடுத்து கொள்ளவும். இதில் வேக வைத்த சாதம், 1/2கப் தேங்காய் சேர்த்து பேஸ்ட் போல் அரைத்து இரண்டும் நன்கு கலந்து விட்டு சிறிதளவு உப்பு சேர்த்து 8 மணி நேரம் அப்படியே வைத்து விடவும்.

மாவு நன்கு புளித்து வந்த பிறகு மாவு கெட்டியாக இருந்தால் சிறிதளவு தண்ணீர் ஊற்றி கரைத்து கொள்ளவும். அடுப்பில் ஆப்ப சட்டி வைத்து ஒரு கரண்டி மாவு ஊற்றி சுற்றி விட்டு மூடி வைத்து வேக வைக்கவும்.

தேங்காய் பால் செய்முறை: 1/2 கப் தேங்காய் மிக்ஸியில் சேர்த்து நன்கு பேஸ்ட் போல் அரைத்து கைகளால் பிழிந்து பால் எடுத்து கொள்ளவும். பிழிந்த சக்கையில் சூடாக உள்ள தண்ணீர் ஊற்றி மீண்டும் மிக்ஸியில் அரைத்து எடுத்து பால் எடுத்து ஒரு பவுலில் ஊற்றி சர்க்கரை, ஏலக்காய் தட்டி சேர்த்து அடுப்பில் வைத்து லேசாக சூடு செய்து கொள்ளவும்.