வெந்தய தக்காளி சாம்பார்

1/2 கப் துவரம் பருப்பை கழுவி குக்கரில் நான்கு விசில் வேக வைத்து விடவும். 1 சிறிய எலுமிச்சை அளவு புளியை ஊற வைக்கவும்.

10 சின்ன வெங்காயம், 1 பெரிய வெங்காயம் தோல்நீக்கி கழுவி எடுத்து வைக்கவும். பெரிய வெங்காயத்தை நீளவாக்கில் நறுக்கி வைக்கவும். 2 பெரிய தக்காளியை கழுவி நறுக்கி வைக்கவும். 1/2 டீஸ்பூன் வெந்தயத்தை கடாயில் வறுத்து நுணுக்கி வைக்கவும்.

கடாயில் 2 டீஸ்பூன் ஆயில் விட்டு 1/2 டீஸ்பூன் கடுகு, நுணுக்கி வைத்த வெந்தயத்தை சேர்த்து தாளித்து நறுக்கிய 1 பெரிய வெங்காயம், சிறிது கறிவேப்பிலை,சின்ன வெங்காயம் 10 சேர்த்து வதக்கி விடவும்.

வெங்காயம் வதங்கியவுடன் நறுக்கி வைத்த தக்காளியை சேர்க்கவும். வதக்கி அதை வெந்த பருப்பில் சேர்த்து 1/2 டீஸ்பூன் மஞ்சள் தூள், 1 டீஸ்பூன் சாம்பார் மிளகாய்த்தூள், உப்பு சேர்த்து தண்ணீர் சிறிது விட்டு குக்கரில் இரண்டு விசில் வேகவிடவும்.

ஊற வைத்த புளியை கரைத்து சிறிதளவு சாம்பாரில் சேர்க்கவும். மிக்ஸி ஜாரில் 1 டேபிள் ஸ்பூன் துருவிய தேங்காய் சிறிது தண்ணீர் சேர்த்து நைசாக அரைத்து வைக்கவும். தேங்காய் விழுதை சாம்பாரில் சேர்க்கவும்.

நன்கு கொதிக்கவிட்டு கொத்தமல்லி தழை தூவி இறக்கி விடவும். சுவையான வெந்தய தக்காளி சாம்பார் ரெடி. 😍😍 சூடான சாதத்திற்கு ஏற்ற வெந்தய தக்காளி சாம்பார் மிகவும் சுவையாக இருக்கும்.