பச்சை சுண்டை காயை நறுக்கி தண்ணீரில் போட்டு வைக்கவும்.

துவரம் பருப்பை குக்கரில், தண்ணீர் சேர்த்து இரண்டு விசில் விட்டு வேகவைத்து வைக்கவும்.

தக்காளி, வெங்காயம் நறுக்கி வைக்கவும். புளியை கரைத்து வைக்கவும்.

தேங்காய், சாம்பார் வெங்காயம், தண்ணீர் சேர்த்து மிக்ஸியில் விழுதாக அரைத்துவைக்கவும்

வாணலியில் நெய் சேர்த்து சூடானதும் சுண்டைக்காய் சேர்த்து இரண்டு நிமிடங்கள் வதக்கி, பின் பச்சை மிளகாய், சாம்பார் வெங்காயம், தக்காளி சேர்த்து வதக்கி, சாம்பார் தூள், மஞ்சள் தூள் சேர்த்து நன்கு வதக்கி, உப்பு, புளி சாறு சேர்த்து ஐந்து நிமிடம் மூடிவைக்கவும்.

பின் வேகவைத்து வைத்துள்ள துவரம் பருப்பு, தேங்காய், சாம்பார் வெங்காயம் அரைத்த விழுது, கொஞ்சம் தண்ணீர் சேர்த்து, ஐந்து நிமிடங்கள் வேகவைக்கவும்.

பின்பு வாணலியில் நெய் சேர்த்து சூடானதும் கடுகு, கறிவேப்பிலை, வற்றல் மிளகாய் தாளித்து வெந்த பருப்பில் சேர்த்து இறக்கினால் சுவையான, பச்சை சுண்டைக்காய் துவரம்பருப்பு சாம்பார் சுவைக்கத்தயார்.