காலையில் சுட்டு மீதமான 4 இட்லியை கையில் சிறிது எண்ணெய் தடவி உதிர்த்து வைத்து விடவும். 2 பச்சை மிளகாய் கழுவி விதை நீக்கி பொடியாக நறுக்கி வைக்கவும்.சிறிது கருவேப்பிலையை கழுவி எடுத்து வைக்கவும்.

2 பெரிய வெங்காயம் தோல் நீக்கி கழுவி பொடியாக நறுக்கி வைக்கவும்.கடாயில் 3 டீஸ்பூன் ஆயில் விட்டு கடுகு 1 டீஸ்பூன்,1 டேபிள்ஸ்பூன் உளுந்து பருப்பு,1 டேபிள்ஸ்பூன் கடலை பருப்பு, 1 சிட்டிகை பெருங்காயம் சேர்த்து பொன்னிறமாக வறுக்கவும். நறுக்கி வைத்த வெங்காயத்தை வதக்கி விடவும்.

பொன்னிறமாக வறுத்தவுடன் அதில் நறுக்கிய 2 பச்சை மிளகாய், சிறிது கறிவேப்பிலை தாளித்து உதிர்த்து வைத்த இட்லியை சேர்த்து மஞ்சள்தூள் 1/2 டீஸ்பூன் உப்பு,1 டீஸ்பூன் இட்லி பொடி சேர்த்து வதக்கவும்.

அடுப்பை சிம்மில் வைத்து நன்கு வதக்கி கிளறிவிடவும். சிறிது நேரம் மூடி வைத்து திறந்து கிளறினால் தாளித்த இட்லி ரெடி.😄😄