இரண்டு முட்டையை வேக வைத்து கொள்ள வேண்டும்.

வாணலியில் நெய் விட்டு மஞ்சள் தூள், சீரக தூள், கரம் மசாலா, உப்பு சேர்த்து வேக வைத்த முட்டையை சேர்த்து வறுத்து எடுக்கவும்

வாணலியில் நெய் விட்டு மீது ரெண்டு முட்டையை உப்பு மிளகு சேர்த்து அடித்து பொடிமாஸ் செய்து எடுத்து கொள்ளவும்

ஒரு கப் நீள வாக்கில் வெட்டி வைத்த வெங்காயத்தை எண்ணெயில் பொன்னிறமாக பொரித்து எடுக்கவும்

ஒரு பாணில் 3 கப் தண்ணீர் ஊற்றி பட்டை கிராம்பு மிளகு இலை சேர்க்கவும். நெய் விடவும். 30 நிமிடம் ஊற வைத்த பாஸ்மதி அரிசியை அதில் சேர்த்து முக்கால் பதம் வேக வைத்து எடுத்து கொள்ளவும்.

ஒரு வாணலியில் எண்ணெய் மற்றும் நெய் விட்டு பட்டை, கிராம்பு, இலை, மிளகு, ஜாதி பத்திரி சேர்க்கவும்.

நீளமாக அறிந்த வெங்காயம் சேர்த்து வதக்கவும். பின் இஞ்சி பூண்டு விழுது, தக்காளி ஒவ்வொன்றாக சேர்த்து வதக்கவும்.

பின் அரை கப் மல்லி மற்றும் புதினா சேர்த்து வதக்கிய பின் சுத்தம் செய்த இராலை சேர்க்கவும். மசாலா தூள்கள் மற்றும் உப்பு சேர்த்து வதக்கவும். தயிர் சேர்க்கவும்.

தண்ணீர் சேர்த்து நன்றாக வெந்து சேர்ந்து வந்ததும் இறக்கவும்

ஒரு மூடி வைத்த பான் எடுக்கவும். கீழே ஒரு லேயர் கிரவி ஸ்பிரட் பண்ணவும். பின் ஒரு லேயேர் வேக வைத்த பாஸ்மதி அரிசி. அதன் மேல் மல்லி புதினா பொறித்த வெங்காயம் தூவி விடவும்.

அதன் மேல் வேக வைத்த மற்றும் பொறித்த முட்டையை ஸ்பிரட் செய்யவும்.

இன்னொரு லேயெர் மீதி இருக்கும் கிறேவி ஊற்றவும். மீதி இருக்கும் அரிசி ஸ்பிரட் செய்து பின் மேலே மல்லி புதினா வெங்காயம் தூவி விடவும். மேலே ஒரு ஸ்பூன் நெய் விடவும்.

மேலே குங்குமப்பூ கலந்த தண்ணீர் ஊற்றவும். அது இல்ல என்றால் மஞ்சள் தூளை நீரில் கலந்து அதை நிறதுக்காக ஒரு சுற்று ஊற்றவும்.

மூடி போட்டு சப்பாத்தி மாவு வைத்து சீல் பண்ணவும்.

அடுப்பை சின்ன பர்நெரில் சிம்மில் வைத்து, அந்த பானை 20-30 நிமிடம் தம்மில் போடவும்.

பிறகு எடுத்து லேசாக கிளறி, அடியில் இருந்து சேர்த்து பிரியாணி எடுத்து பரிமாறவும்.

செய்வதற்கு சிறிது நேரம் எடுத்தாலும், அனைவரும் விரும்பி சாப்பிட கலர்ஃபுள் ஆன ஹோட்டல் ஸ்டைல் தம் பிரியாணி தயார்.